Aleksandr Isáyevich Solzhenitsyn (en rusu: Алекса́ндр Иса́евич Солжени́цын, romanización: Aleksandr Isaevič Solženicyn) (11 d'avientu de 1918, Kislovodsk – 3 d'agostu de 2008, Moscú) foi un escritor ya historiador rusu, Premiu Nobel de Lliteratura en 1970. Críticu del totalitarismu soviéticu, ayudó a crear conciencia global del gulag, el sistema de campos de trabayos forzaos de la Xunión Soviética nel qu'él tuvo presu dende 1945 hasta 1956.
Gran parte de los sos trabayos fueron censuraos pol aparatu estatal soviéticu, pero la so obra algamó un volume notable, sobremanera Archipiélagu Gulag, Un día na vida d'Iván Denísovich, Agostu de 1914 y Pabellón del cáncer. Solzhenitsyn foi gallardoniáu col Premiu Nobel de Lliteratura en 1970, "pola fuercia ética cola que siguió les tradiciones indispensables de la lliteratura rusa".[13] Foi espulsáu de la Xunión Soviética en 1974, pero tornó a Rusia en 1994, tres la disolución de la Xunión Soviética.
© MMXXIII Rich X Search. We shall prevail. All rights reserved. Rich X Search